主演：影片内详

娱乐大搜查 先从玩讲起啦：由暨大西门出去，在左边不远处就有一间自由空间餐厅.酒吧，这里空间几宽阔，有种很自由、很舒服的感觉。店里面仲挂咗大量表达自由与爱情的经典照 片，而且仲系餐厅里设置了一间书吧同电视房，系书吧里可以边喝茶，边看书、杂志同 埋报纸，设计都几有特色咖。逢周五、六、日喜力啤酒仲推出80元半打的优惠，4月份即 将开业的仲有Cafe' Freedom，一系列的套餐更低至10元起，几抵食。 　 讲完bar，当然唔少得0既就是"K"啦，系天河娱乐广场左侧就有加州红卡拉OK俱乐部 ，它里面的音响设备就无得弹咖啦，而且啲歌都好新，又多原装碟，包你过足歌星瘾。（至于价钱呢就贵咗啲!）如果大家唔嫌弃的话，都可以去“岗顶卡拉OK”的，68元就有 一间大房啦，如果通宵仲唔使哩个价添，啤酒仲买一送一，平哩。（记住，平野无好野 ！）想普普通通的就不妨去下绿茵阁或者凯旋门唱"K"，啲 friend话啲歌仔都几新，而 且又唔使好似加州红咁比人“斩”，价钱中肯，不妨试下啊。 至于天河购物中心五楼的“迷失世界”就一次过满足晒你三个愿望，有机打，有snooker，仲有网吧添。哩个大型游戏机室绝对唔比天梦宫、流行前线啲机逊色咖，人地有 0既它都有，跳舞机、吉他机、打鼓机……样样齐备，机银都净系一元粒；而snooker室 就由凌晨2点开到早上10点，15元就有一粒钟玩啦。 　　唔中意咁嘈的朋友系唔系无定去呢？当然唔系啦。睇电影啱唔啱？系天河娱乐广场 四、五楼的天河电影城就有戏睇，有6个厅比你拣来睇，仲有好多中外猛片、新片任君选择，戏飞都系25元-30元一张咋。唔喜欢睇电影，打保龄得唔得先，都无问题啫。系暨大 正门出去，转右直行，过咗石牌东就可以见到“假日保龄球馆”咖啦，仲有“假日阳光 健身俱乐部”添，里边仲设有射箭、健美、健身同埋足部保健。（间唔中relax下自己， 做下gym都几好啊！） 　　平时中意行吓街仔，唔多喜欢蒲的女仔，系哩度一样可以满足到你地咖！首先响“ 自由空间”旁边的天河购物中心就有得你地行，楼下有间屈臣氏，可以比你买啲生活用品，时不时又有啲减价行动，执到平嘢都未定。二楼就有G2000，U2，nike，FILA，adi das等牌子店，而且仲经常三折大优惠，我就买过一件长袖T恤（U2的）才38元（原价系 235元），抵啊。哩一层仲有间“时间特区”系专门卖表的，既有牌子货（swatch，boy london，Q&Q等），也有一啲大路货，虽然唔系乜牌子，但都几多型款。至于三楼就以 卖书为主（多为个体户），其中以Fan，Chet&Book和June Space最特别，各位得闲就一 定要上来睇睇啦！ 　行完购物中心，大家可以过对面的娱乐广场逛逛，哩度地方虽然唔大，但都有唔少 的铺头，好似Baleno，Bambini，S&K等专卖店，运动牌子Umbro，Adidas，Jansport等等 都好齐全咖，还有Young一族、贴纸乐天堂同埋新浪潮饰品廊。如果话你唔中意行大商场 嘅话，咁石牌东路就梗啱你啦。这里都系一啲私人铺头，价钱有商有量；即使唔系，价 钱都比较低，一般三四十元就有得执！到咗晚上的时候，哩度就更系逼到水泄不通，热 闹非凡。皆因会有更多的个体户出街摆挡，卖衫的，卖鞋的，乜嘢都有得卖，价钱同样 唔贵。（不过质量就……） 　　讲完玩，行街街，梗唔少得食啦，“民以食为天”啊嘛！哩头都几多快餐店吓，有 麦当劳啦，肯德基啦，多美丽炸鸡啦，而且这些店价钱唔算贵，又顶肚，不过都几多人 帮衬，赶时间就唔好去了。如果想食番啲平民少少的嘢，咁一定要来吓石牌东啦，哩度 大排挡数不胜数，仲有唔少系餐厅式的装修，大排挡的价钱。好似石牌平又靓餐厅，朝 阳大排挡，豪景餐厅等都各有特色，价钱亦好大众化。我觉得朝阳的田鸡煲最正，18元 一斤，而且好足称，真系吃过返寻味；平又靓就炒菜正，好够火候，啲鲜菇炒牛肉好好 味！这里仲有啲潮州牛肉店，我觉得“潮兴”都算系最正宗的，特别系啲牛肉丸，又大 粒又弹牙，牛肉粉、面10元有一碗，成10粒丸咖，仲配有秘制的辣椒酱，哇，好味！不过食完已经唔郁得啦 　有无人仲想食啲贵价啲嘅嘢呢？又比如讲，想同女朋友去啲静少少的地方撑吓台脚 ，得唔得啊？Sure.绿茵阁咖啡厅啱唔啱你的胃口，哩度啲嘢其实也不算好贵，一个人几 十元就已经好够了，可以锯扒，食沙律同埋整多个汤添。如果系情人的，就不妨试试哩 度的情侣套餐，58元咋，计埋服务费都系60几元，好抵食！（最紧要的就是分量十足。 ）系天河购物中心二楼有间Pizza Hut（三五知己来食，都几有气氛啊），仲有间绿蔷薇 西餐厅，石牌东有间凯旋门西餐厅，都唔错咖。如果想食日本嘢的朋友，就一定要去娱 乐广场一楼的天之河日本料理居酒屋试吓啦，价钱唔算太贵，48元一个三文鱼刺身，寿 司定食就38元个，味道都可以咖！ 同大家介绍咗咁多蒲点之后，相信住系岗顶的朋友唔使再系屋企或者宿舍闷啦呱， ok，既然系咁，起身郁吓啦，找番个啱自己的地方wet吓先，正所谓“唔去蒲好易老”咖 ！

中文星空 首页 在线电影